NUEI DE TIEDAS - NUEI DE SAN CHUAN

A sanchuanarnos han trucao ista nuei, a nuei de tiedas, a nuei de San Chuan, a nuei maxica y peren. Asti en Zaragoza no'n en hay güeito fuens d'agua pura ta beber, allora bebimos biera de güeito bares.

O fuego y as purnas puyaban ta ro alto en O parque Bruil, y fluvi se socarro en as flamas. Chen trucando os tambors, as gaitas y os diaples d'huerva con a suya pirotecnia espectáculo fendo teyatro d'as historias do lugar.

Yo creme un deseyo, o deseyo peren, o de cutio. Asperemos ista begada siga de berdá.

Estié con Carolina, Paco y a su muller, Vir y su chirmana, y d'otros amics, nos mullamos por dentro y por difuera, nos reimos. Cuan els s'en fueron quedé solenco güellando as flamas, como deciba a canta, con as flamas do fogaril, pero iste fogaril yera a ziudá entera, as chens prencipiaron a fer chentas con as brasas. Dimpués torné a mia casa.

Nuei de tiedas, nuei de San Chuan, nuei maxica, y no sé si yo soy d'ixos que en dizen, pero cuan ista maitinada a tronau, y me dispertau, yera biyendo a una muller bestida de blanco y cuasi desnuda bailando debán de yo.

Que as bruxas, os diaplerons, os lacuercos, as fadas y toz os seres os atorguen os suenios y os deseyos y que se fagan realiyá.

SALÚ TA TOZ